2 красавіка 2024 г. у канферэнц-зале Нацыянальнага гістарычнага архіва Беларусі праведзены сход працоўнага калектыву НГА Беларусі, прысвечаны дзяржаўнаму святу – Дню яднання народаў Беларусі і Расіі. У гэты дзень у 1996 годзе быў падпісаны Дагавор аб стварэнні Супольнасці Беларусі і Расіі, які паклаў пачатак працэсу ўзаемнай інтэграцыі дзвюх краін.

У рамках мерапрыемства перад прысутнымі выступіла намеснік дырэктара Наталія Булойчык, якая распавяла пра этапы і накірункі інтэграцыі Беларусі і Расіі. Бакі паспяхова развіваюць супрацоўніцтва ў сферах эканомікі, навукі, культуры і многіх іншых. Асаблівую ўвагу Н.Булойчык звярнула на рэалізацыю сумесных выдавецкіх праектаў па публікацыі архіўных дакументаў.