|
27 сакавіка 2019 г. у Нацыянальнай бібліятэцы Беларусі адбыўся навукова практычны семінар «Крыніцы па генеалогіі ў беларускіх архівах і бібліятэках», суарганізатарам якога выступіў Нацыянальны гістарычны архіў Беларусі.
З дакладамі на семінары выступілі намеснік дырэктара НГА Беларусі Д.В.Лісейчыкаў, галоўны архівіст – загадчык сектара тэматычных даследаванняў аддзела выкарыстання дакументаў і інфармацыі НГА Беларусі В.В.Урублеўскі, галоўны архівіст – загадчык сектара рэдакцыйна-выдавецкай падрыхтоўкі аддзела публікацыі дакументаў НГА Беларусі Я.С.Глінскі, загадчык навукова-даследчага аддзела кнігазнаўства НББ А.М.Сцебурака.
Даклады былі прысвечаны пытанням пошуку і апрацоўкі генеалагічных крыніц: супрацоўніцтва архіваў з музеямі, бібліятэкамі і прыватнымі калекцыянерамі па алічбоўцы дакументаў, навуковыя і грамадскія ініцыятывы па даследаванні генеалогіі, пытанні выяўлення і атрыбуцыі сфальсіфікаваных генеалагічных крыніц, выяўленне дакументаў па генеалогіі ў аддзелах рукапісаў бібліятэк.
Удзел у семінары таксама ўзялі прадстаўнікі Інстытута гісторыі Нацыянальнай акадэміі навук Беларусі, гістарычнага факультэта Беларускага дзяржаўнага ўніверсітэта, шматлікія аматары генеалагічных даследаванняў.
