|
16 снежня 2022 г. у Віцебскім абласным краязнаўчым музеі (г. Віцебск, вул. Леніна, 36) распачне работу выставачны праект «По зову сердца: добровольцы-огнеборцы», прымеркаваны да 150-годдзя з дня ўтварэння Віцебскага вольнага пажарнага таварыства, першай добраахвотнай пажарнай арганізацыі на тэрыторыі сучаснай Беларусі. Адным з арганізатараў выставы выступае Нацыянальны гістарычны архіў Беларусі, а прадстаўленыя на ёй матэрыялы ў значнай ступені паходзяць з фондаў архіва.
Выстава будзе адчынена для наведвальнікаў да 28 лютага 2023 г.
З 13 па 17 мая 2019 г. дэлегацыя беларускіх архівістаў пад кіраўніцтвам першага намесніка дырэктара Дэпартамента па архівах і справаводству міністэрства юстыцыі Рэспублікі Беларусь В.А.Ледаўской знаходзілася з візітам у Нацыянальным архіве Фінляндыі (г. Хельсінкі, Фінляндская Рэспубліка). У склад дэлегацыі ўваходзілі дырэктар Нацыянальнага гістарычнага архіва Беларусі Д.У.Яцэвіч, намеснік дырэктара Д.В.Лісейчыкаў, намеснік дырэктара Нацыянальнага архіва Рэспублікі Беларусь А.А.Стуканава, загадчык аддзела камплектавання Беларускага навукова-даследчага цэнтра электроннай дакументацыі В.Ю.Жук.