|
26 мая 2023 года Міністэрствам юстыцыі Рэспублікі Беларусь былі падведзены вынікі штогадовага прававога конкурсу імя Уладзіміра Спасовіча. На ўрачыстай цырымоніі ў канферэнц-залі гасцінічнага комплекса «Прэзідэнт-Гатэль» (вул. Кірава, 18) адбылося ўзнагароджанне намінантаў конкурсу.
Да згаданага мерапрыемства Нацыянальным гістарычным архівам Беларусі была падрыхтавана выстава, прысвечаная паходжанню, гісторыі сям’і і раннім гадам жыцця знакамітага адваката, правазнаўцы і літаратара Уладзіміра Данілавіча Спасовіча. Экспазіцыя складалася з плакатнай часткі і вітрын, у якіх былі прадстаўлены арыгіналы дакументаў канца XVIII – XIX ст., у тым ліку, дакумент з аўтографам У.Д. Спасовіча. Госці мерапрыемства праявілі значную цікавасць да прадстаўленых на выставе матэрыялаў, а намеснік дырэктара архіва М.Д. Макараў і намеснік загадчыка аддзела навукова-даследчай і публікацыйнай дзейнасці Я.С. Глінскі адказалі на іх шматлікія пытанні.
З 13 па 17 мая 2019 г. дэлегацыя беларускіх архівістаў пад кіраўніцтвам першага намесніка дырэктара Дэпартамента па архівах і справаводству міністэрства юстыцыі Рэспублікі Беларусь В.А.Ледаўской знаходзілася з візітам у Нацыянальным архіве Фінляндыі (г. Хельсінкі, Фінляндская Рэспубліка). У склад дэлегацыі ўваходзілі дырэктар Нацыянальнага гістарычнага архіва Беларусі Д.У.Яцэвіч, намеснік дырэктара Д.В.Лісейчыкаў, намеснік дырэктара Нацыянальнага архіва Рэспублікі Беларусь А.А.Стуканава, загадчык аддзела камплектавання Беларускага навукова-даследчага цэнтра электроннай дакументацыі В.Ю.Жук.