|
31 мая 2023 г. у рамках рэспубліканскай акцыі «Архівы – школе» і абвешчанага ў Рэспубліцы Беларусь Года міру і стварэння ў Нацыянальным гістарычным архіве Беларусі былі праведзены заняткі для студэнтаў 1-га курса гістарычнага факультэта Беларускага дзяржаўнага ўніверсітэта (спецыяльнасць «Гісторыка-архівазнаўства») па вучэбнай дысцыпліне «Беларуская палеаграфія».
У ходзе мерапрыемства загадчык аддзела старажытных актаў Ірына Бобер распавяла навучэнцам пра фонды НГА Беларусі перыяду Вялікага Княства Літоўскага і Рэчы Паспалітай, старажытныя актавыя кнігі і ўнікальныя дакументы, якія зберагаюцца ў архіве, гісторыю стварэння і асноўныя кірункі дзейнасці аддзела старажытных актаў. Затым яна правяла для студэнтаў экскурсію па архівасховішчах НГА Беларусі, у ходзе якой звярнула асаблівую ўвагу на ўмовы захоўвання дакументаў XIV–XVIII стст.
Заняткі на базе НГА Беларусі для студэнтаў, якія навучаюцца па спецыяльнасці «Гісторыка-архівазнаўства», праводзяцца рэгулярна. Іх мэта – павышэнне якасці падрыхтоўкі будучых архівістаў і пашырэнне магчымасцяў выкарыстання архіўных фондаў у вучэбным працэсе.
З 13 па 17 мая 2019 г. дэлегацыя беларускіх архівістаў пад кіраўніцтвам першага намесніка дырэктара Дэпартамента па архівах і справаводству міністэрства юстыцыі Рэспублікі Беларусь В.А.Ледаўской знаходзілася з візітам у Нацыянальным архіве Фінляндыі (г. Хельсінкі, Фінляндская Рэспубліка). У склад дэлегацыі ўваходзілі дырэктар Нацыянальнага гістарычнага архіва Беларусі Д.У.Яцэвіч, намеснік дырэктара Д.В.Лісейчыкаў, намеснік дырэктара Нацыянальнага архіва Рэспублікі Беларусь А.А.Стуканава, загадчык аддзела камплектавання Беларускага навукова-даследчага цэнтра электроннай дакументацыі В.Ю.Жук.