|
У зборніку пададзены тэксты дакладаў удзельнікаў канферэнцыі, праведзенай сумесна Нацыянальным гістарычным архівам Беларусі і Інстытутам гісторыі Нацыянальнай акадэміі навук Беларусі 28 чэрвеня 2018 г. Спектр узнятых праблем беларускімі і замежнымі даследчыкамі дастаткова шырокі – гісторыя архіўнай справы ў Беларусі і дакументальнай спадчыны, выкарыстанне ў навуковых распрацоўках асобных крыніц і іх комплексаў, дасягненні і праблемы развіцця архіўнай справы і гістарыяграфіі на сучасным этапе і інш.
Зборнік прызначаецца для прафесійных гісторыкаў і архівістаў, а таксама краязнаўцаў і ўсіх зацікаўленых мінуўшчынай Беларусі.
