Нацыянальным гістарычным архівам Беларусі сумесна з Музеем палаца караля Яна ІІІ у Вілянаве (г. Варшава, Рэспубліка Польшча) выпушчаны 1-шы том выдавецкай серыі «Monumenta Sobesciana» пад назвай «Лісты Марыі Казіміры з Архіва Сабескіх у Алаве, т. 1: лісты да сыноў за 1696–1704 гг.»
Кніга ўтрымлівае 62 прыватныя лісты каралевы Марыі Казіміры Сабескай з фонда «Архіў Сабескіх у Алаве», які захоўваецца ў Нацыянальным гістарычным архіве Беларусі. Лісты да сыноў, напісаныя з Варшавы, Венецыі, Вены, Гданьска, Жоўквы, Львова, Рыма праліваюць святло на прыватнае жыццё каралеўскай сям’і і палітычную барацьбу вакол змагання за манаршы сталец Рэчы Паспалітай у канцы XVII – пачатку XVIII ст.
Апрацоўка, пераклад дакументаў з французскай мовы і іх навуковае рэдагаванне здзейснена доктарам Ганнай Лейк і доктарам Янам Ежы Совам.
Выданне паўстала ў выніку сумеснай працы Архіва і Музея ў межах рэалізацыі падпісанага Пагаднення аб супрацоўніцтве ў сферы навуковага выкарыстання дакументальнай спадчыны роду Сабескіх.
29 мая 2019 г. Нацыянальны гістарычны архіў Беларусі наведала дэлегацыя архівістаў Рэспублікі Мальта ў складзе кіраўніка Нацыянальнага архіва Мальты доктара Чарльза Фаруджы і загадчыка кафедры бібліятэказнаўства, інфарматыкі і архівазнаўства факультэта медыя і навук аб ведах Універсітэта Мальты прафесара Уільяма Замміта.
15 сакавіка 2019 г. Нацыянальны гістарычны архіў Беларусі наведала дэлегацыя супрацоўнікаў органаў дзяржаўнай улады Люблінскага ваяводства Рэспублікі Польшча ў складзе дарадцы ваяводы Барташа Рыбака і дэпутата сойміка Рышарда Шчыгела, а таксама другога сакратара па пытаннях публічнай і культурнай дыпламатыі Пасольства Рэспублікі Польшча ў Рэспубліцы Беларусь Эльжбеты Інеўскай.