5 ліпеня 2023 г. Нацыянальны гістарычны архіў Беларусі адзначыў 85-я ўгодкі з дня ўтварэння. Да гэтай нагоды было прымеркавана ўрачыстае пасяджэнне працоўнага калектыву, на якім намеснік дырэктара НГА Беларусі Ірына Каўганава зачытала віншаванні калектыву ад імя дырэктара Дэпартамента па архівах і справаводству Міністэрства юстыцыі Рэспублікі Беларусь Алега Воінава і сардэчна павіншавала ад свайго імя работнікаў архіва з юбілейнай датай.
На пасяджэнні за добрасумленную працу шэраг работнікаў архіва быў адзначаны Ганаровымі граматамі і Падзякамі дырэктара НГА Беларусі.
З 13 па 17 мая 2019 г. дэлегацыя беларускіх архівістаў пад кіраўніцтвам першага намесніка дырэктара Дэпартамента па архівах і справаводству міністэрства юстыцыі Рэспублікі Беларусь В.А.Ледаўской знаходзілася з візітам у Нацыянальным архіве Фінляндыі (г. Хельсінкі, Фінляндская Рэспубліка). У склад дэлегацыі ўваходзілі дырэктар Нацыянальнага гістарычнага архіва Беларусі Д.У.Яцэвіч, намеснік дырэктара Д.В.Лісейчыкаў, намеснік дырэктара Нацыянальнага архіва Рэспублікі Беларусь А.А.Стуканава, загадчык аддзела камплектавання Беларускага навукова-даследчага цэнтра электроннай дакументацыі В.Ю.Жук.
