15 лютага 2024 г. у Мінскім гарадскім выканаўчым камітэце адбылося чарговае пасяджэнне камісіі па найменаванні і перайменаванні праспектаў, вуліц, плошчаў і іншых састаўных частак г. Мінска. На пасяджэнні разгледжаны прапановы, падрыхтаваныя НГА Беларусі.
Пастаянным членам камісіі з’яўляецца вядучы навуковы супрацоўнік аддзела выкарыстання дакументаў і інфармацыі НГА Беларусі Уладзімір Дзянісаў.
Пры падрыхтоўцы да пасяджэння члены камісіі У.Дзянісаў і А.Жук вывучалі картаграфічныя і іншыя дакументы XIX – пачатку ХХ стст. з фондаў НГА Беларусі. На падставе выяўленых матэрыялаў прапанаваны варыянты найменаванняў для праектуемай вуліцы № 28 у Цэнтральным раёне г. Мінска. Таксама ўнесена прапанова аб найменаванні сквера ў межах вул. Каліноўскага–пр. Незалежнасці і новых вуліц на тэрыторыі праектуемага комплексу жылой забудовы ў раёне вуліц Парніковай–Падлеснай–Анаева.
З 13 па 17 мая 2019 г. дэлегацыя беларускіх архівістаў пад кіраўніцтвам першага намесніка дырэктара Дэпартамента па архівах і справаводству міністэрства юстыцыі Рэспублікі Беларусь В.А.Ледаўской знаходзілася з візітам у Нацыянальным архіве Фінляндыі (г. Хельсінкі, Фінляндская Рэспубліка). У склад дэлегацыі ўваходзілі дырэктар Нацыянальнага гістарычнага архіва Беларусі Д.У.Яцэвіч, намеснік дырэктара Д.В.Лісейчыкаў, намеснік дырэктара Нацыянальнага архіва Рэспублікі Беларусь А.А.Стуканава, загадчык аддзела камплектавання Беларускага навукова-даследчага цэнтра электроннай дакументацыі В.Ю.Жук.