У рамках праведзенага 2 лютага 2024 г. пашыранага пасяджэння калегіі Дэпартамента па архівах і справаводству Міністэрства юстыцыі Рэспублікі Беларусь «Аб выніках работы архіўнай галіны Рэспублікі Беларусь за 2023 год і задачах на 2024 год» Нацыянальны гістарычны архіў Беларусі прыняў удзел у выставе «Кніжныя выданні архіўнай галіны Рэспублікі Беларусь у 2023 годзе».

На выставе былі прадстаўлены выданні архіва разнастайнай відавой прыналежнасці і тэматычнага напаўнення: зборнік дакументаў «Мінская жаночая гімназія. Фатаграфічныя матэрыялы», зборнік навуковых артыкулаў і паведамленняў «Архіварыус» (выпуск 21), навукова-папулярнае выданне «Захоўваць вечна: старонкі мінулага і сучаснасці Нацыянальнага гістарычнага архіва Беларусі», з якімі ўдзельнікаў калегіі азнаёміў загадчык аддзела навукова-даследчай і публікацыйнай дзейнасці НГА Беларусі Сяргей Рындзін.

Інфармацыя пра публікацыйную дзейнасць архіва выклікала вялікую цікавасць.