Архіварыус XIV

Нацыянальны гістарычны архіў Беларусі выпусціў сёмы том выдання «Гербоўнік беларускай шляхты» (літары «З» і «І»), які сфарміравалі генеалагічныя роспісы 225 шляхецкіх родаў, пераважна з Мінскай губерні, што падавалі ў Мінскі дваранскі дэпутацкі сход дакументы на прызнанне і зацвярджэнне ў статусе дваранства Расійскай імперыі ў канцы XVIII – пачатку XX ст. Выданне з’яўляецца працягам шматтомнай серыі, выкананым у межах планавай навуковай тэмы «Генеалогія і геральдыка беларускіх шляхецкіх родаў», якая распрацоўваецца ў НГА Беларусі.

16 снежня 2019 г. у Нацыянальным гістарычным архіве Беларусі адбылося пасяджэнне Вучонага савета, на якім былі рэкамендаваны да друку зборнік навуковых паведамленняў і артыкулаў «Архіварыус» (выпуск 17), 6-ты (літ. Е, Ё, Ж) і 7-мы (літ. З, І) тамы «Гербоўніка беларускай шляхты» і ілюстраваны зборнік «Минская мужская гимназия: фотографические материалы Национального исторического архива Беларуси».

Нацыянальным гістарычным архівам Беларусі выпушчаны 21 выпуск штогадовага зборніка «Архіварыус».