Аб правядзенні навукова-практычнай канферэнцыі «Беларускія архівы на мяжы тысячагоддзяў: здабыткі і страты»
28 чэрвеня 2018 г. Нацыянальны гістарычны архіў Беларусі сумесна з Інстытутам гісторыі Нацыянальнай Акадэміі навук Беларусі праводзяць навукова-практычную канферэнцыю «Беларускія архівы на мяжы тысячагоддзяў: здабыткі і страты», прымеркаваную да 80-гадовага юбілею Нацыянальнага гістарычнага архіва Беларусі.
Праблемнае поле канферэнцыі:
– дакументы XIV – пачатку ХХ ст. як крыніцы па гісторыі Беларусі і сумежных краін;
– архіўная справа ў Беларусі: гісторыя, методыка, практыка;
– праблемы забеспячэння захаванасці дакументальнай спадчыны;
– стварэнне навукова-даведачнага апарата да архіўных дакументаў;
– археаграфія і публікацыя дакументаў;
– выкарыстанне сучасных інфармацыйных тэхналогій у архіўнай галіне;
– крыніцазнаўства і спецыяльныя гістарычныя дысцыпліны.
Рабочыя мовы канферэнцыі: беларуская, руская.
Фармат дакладаў і рэгламент канферэнцыі: на пленарным пасяджэнні – да 20 хвілін, на секцыях – да 15 хвілін.
Па выніках працы канферэнцыі плануецца выданне зборніка яе матэрыялаў. Удзельнікам неабходна падаць да 30 жніўня 2018 г. надрукаваны тэкст і яго электронную версію ў фармаце Microsoft Word, шрыфт Times New Roman, кегль 14 пт (аб’ёмам да 20 000 знакаў). Спасылкі пазначаюцца індэксам у канцы тэксту. Да тэксту далучаецца рэзюмэ памерам да 100 словаў на беларускай, рускай і ангельскай мовах. Аргкамітэт пакідае за сабой права адбору тэкстаў выступленняў для ўключэння ў зборнік матэрыялаў канферэнцыі.
Арганізацыйны збор для ўдзельнікаў не прадугледжаны. Пражыванне, выдаткі на ежу, транспартныя і іншыя выдаткі аплачваюцца камандзіруючымі арганізацыямі.
Канферэнцыя адбудзецца 28 чэрвеня 2018 г. у памяшканнях Прэзідыума і Інстытута гісторыі Нацыянальнай акадэміі навук Беларусі (вул. Акадэмічная, 1).
Заяўкі на ўдзел у канферэнцыі паводле ніжэй прыведзенай формы просім дасылаць да 11 чэрвеня 2018 г. на электронны адрас: liseichykau@niab.by (Лісейчыкаў Дзяніс Васільевіч).
Кантактныя асобы:
Лісейчыкаў Дзяніс Васільевіч, кандыдат гістарычных навук, намеснік дырэктара Нацыянальнага гістарычнага архіва Беларусі – (017) 286 75 26.
Матвейчык Дзмітрый Часлававіч, кандыдат гістарычных навук, загадчык аддзела публікацыі дакументаў Нацыянальнага гістарычнага архіва Беларусі – (017) 392 64 58.
