Нацыянальны гістарычны архіў Беларусі

18 кастрычніка 2024 года ў паўднёвай галерэі палаца Румянцавых і Паскевічаў (г. Гомель) адбылася прэзентацыя выставы «Листая пожелтевшие страницы дворцовых описей», прымеркаванай да 105-годдзя музея Гомельскага палацава-паркавага ансамбля.

15 кастрычніка 2024 г. дырэктар НГА Беларусі Міхаіл Глушакоў прыняў удзел у сумесным пасяджэнні калегій Дэпартамента па архівах і справаводству Міністэрства юстыцыі Рэспублікі Беларусь і Федэральнага архіўнага агенцтва, а таксама ў прафесійнай сустрэчы архівістаў Расіі і Беларусі на тэму «Вопыт стварэння навукова-даведачнага апарата да дакументаў архіваў з выкарыстаннем сучасных інфармацыйных тэхналогій».

15 кастрычніка 2024 г. работнікі НГА Беларусі сталі гасцямі на святочным канцэрце, прымеркаваным да Тыдня бацькоўскай любові.

15 кастрычніка 2024 г. загадчык аддзела навукова-даследчай і публікацыйнай дзейнасці Сяргей Рындзін прыняў ўдзел у V Міжнародным кангрэсе гісторыкаў Беларусі «Гістарычная навука Беларусі: асобы, канцэпцыі, дасягненні», арганізатарам якой выступіў Інстытут гісторыі Нацыянальнай акадэміі навук Беларусі. Канферэнцыя была прымеркавана да 95-годдзя дадзенай установы.

15 кастрычніка 2024 г. НГА Беларусі стаў госцем на выставе «Беларускае кіно ў аб'ектыве Міколы Гнісюка. Да 100-годдзя беларускага кіно», якая адкрылася ў мастацкай галерэі «Універсітэт культуры» ў Палацы Рэспублікі. Мерапрыемства наведала загадчык сектара навукова-даведачнага апарата аддзела інфармацыйна-пошукавых сістэм Наталля Міхалевіч.

14–21 кастрычніка ў Рэспубліцы Беларусь праходзіць Тыдзень бацькоўскай любові. 14 кастрычніка – Дзень Маці ў Беларусі. 21 кастрычніка ў нашай краіне адзначаецца Дзень Бацькі.

11 кастрычніка 2024 г. загадчык аддзела навукова-даследчай і публікацыйнай дзейнасці Сяргей Рындзін дыстанцыйна прыняў удзел у круглым стале па абмену вопытам «Перспектывы развіцця публікацыйнай і выставачнай дзейнасці архіваў», арганізатарам якога выступіла Дзяржаўная казённая ўстанова «Ленінградскі абласны дзяржаўны архіў у г. Выбарзе».