18 сакавіка 2026 г. вядучы навуковы супрацоўнік Нацыянальнага гістарычнага архіва Беларусі Вольга Волкава наведала ўрачыстае адкрыццё часовай экспазіцыі «Выратаванне Еўропы. 110 год Нарачскай аперацыі», якое адбылося ў Нацыянальным гістарычным музеі Рэспублікі Беларусь і прысвечана адной з самых буйных і трагічных падзей Першай сусветнай вайны на беларускіх землях – 110-й гадавіне Нарачскай наступальнай аперацыі (сакавік 1916 года) У раёне возера Нарач разгарнуліся кровапралітныя маштабныя баі, якія скавалі значныя сілы германскай арміі і не дазволілі ёй дабіцца вырашальнага поспеху ў Францыі, пад Вердэнам. Нарачская аперацыя стала прыкладам самаадданасці салдат і афіцэраў, аказаўшы прамы ўплыў на ход усёй еўрапейскай кампаніі. Досвед, атрыманы пад Нараччу, пазней быў скарыстаны генералам А.А. Брусілавым пры падрыхтоўцы знакамітага Брусілаўскага прарыву. Адкрыццё выставы з’яўляецца важным крокам у замацаванні памяці аб падзеях Першай сусветнай вайны ў беларускім грамадстве.

Вядучы навуковы супрацоўнік Нацыянальнага гістарычнага архіва Беларусі Вольга Волкава на мерапрыемстве

Экспазіцыя выставы