11 лістапада 2024 г. адбыўся сход работнікаў НГА Беларусі, падчас якога адвакат спецыялізаванай юрыдычнай кансультацыі «Суб'ект права» Мінскай гарадской калегіі адвакатаў Ганна Леанідаўна Келер выступіла з лекцыяй, прысвечанай пытанням выбарчай кампаніі 2025 года ў Рэспубліцы Беларусь.

У рамках сустрэчы работнікі НГА Беларусі задавалі пытанні з вобласці шлюбна-сямейных і жыллёвых праваадносін і атрымалі такім чынам кваліфікаваную юрыдычную кансультацыю.

Наступная частка сходу прысвечана рэспубліканскай інфармацыйна – адукацыйнай акцыі «Беларусь–энергаэфектыўная краіна», прымеркаванай да Міжнароднага дня энергазберажэння. Гэтае свята штогод адзначаецца 11 лістапада. У многіх гарадах свету ў гэты дзень праводзяцца тэматычныя канферэнцыі, выставы і акцыі, у навучальных установах праходзяць урокі, прысвечаныя тэме энергазберажэння. Намеснік дырэктара НГА Беларусі Наталія Булойчык давяла да калектыву інфармацыю аб актуальнасці эфектыўнага выкарыстання энергарэсурсаў у нашай краіне. Таксама работнікам НГА Беларусі прадэманстраваны навукова-папулярны відэаролік па праблемах экалогіі і энергазберажэння.