13 красавіка 2026 г. намеснік дырэктара НГА Беларусі Сяргей Рындзін даў інтэрв'ю тэлеканалу «Першы інфармацыйны» Белтэлерадыёкампаніі.

Тэма інтэрв'ю прысвечана гісторыі Бабруйскай крэпасці, якая ў першай палове XIX ст. з’яўлялася важным звяном у сістэме фартыфікацыйных збудаванняў Расійскай імперыі на заходнім напрамку. Крэпасць лічылася адной з лепшых у Еўропе, адыграла істотную ролю ў вайне 1812 года. У фондах Нацыянальнага гістарычнага архіва Беларусі захаваліся дакументы, звязаныя з гісторыяй цытадэлі на Бярэзіне, сярод якіх планы і малюнкі крэпасці, звесткі аб яе будаўніцтве, імянныя спісы вайскоўцаў, майстравых і рабочых, дакументы аб арыштантах, якія ўтрымліваліся ў крэпасці, аб Бабруйскім дысцыплінарным батальёне.

Інтэрв'ю намесніка дырэктара Нацыянальнага гістарычнага архіва Беларусі Рындзіна С.М. тэлеканалу «Першы інфармацыйны» Белтэлерадыёкампаніі