30 красавіка 2026 г. ў дзяржаўнай установе адукацыі «Сярэдняя школа № 27 г. Мінска» адбылося памятнае мерапрыемства, прысвечанае 40-годдзю трагедыі на Чарнобыльскай АЭС. Перад навучэнцамі выступіў намеснік дырэктара Нацыянальнага гістарычнага архіва Беларусі Сяргей Мікалаевіч Рындзін, які правёў спецыяльны паказ дакументальнага фільма «Чарнобыль: хронікі трагедыі».
Стужка, створаная на аснове матэрыялаў Беларускага дзяржаўнага архіва кінафотафонадакументаў, выклікала жывую цікавасць у школьнікаў. Унікальныя архіўныя кадры дазволілі дзецям ўбачыць першыя дні пасля катастрофы, самаадданую працу ліквідатараў і тыя змены, якія аварыя прынесла ў жыццё і экалогію нашай краіны.
У рамках кіналекторыя Сяргей Рындзін акцэнтаваў увагу на тым, як важна захоўваць гістарычную праўду пра падзеі 1986 года. Абмеркаванне фільма дапамагло школьнікам усвядоміць маштаб тэхнагеннай катастрофы і неацэнны ўклад тых, хто цаной свайго здароўя мінімізаваў яе наступствы. Зварот да аб'ектыўных архіўных сведчанняў стаў для маладых людзей урокам мужнасці і адказнасці перад будучыняй.
Правядзенне падобных сустрэч у навучальных установах падкрэслівае значнасць пераемнасці пакаленняў і дапамагае навучэнцам лепш разумець каштоўнасць дакументальнай спадчыны ў захаванні гісторыі роднай Беларусі.

Правядзенне кіналекторыя ў сярэдняй школе № 27 г. Мінска