Национальный исторический архив Беларуси

У выніку працы па выяўленні дакументаў па гісторыі Беларусі ў архівах, бібліятэках і музеях замежжа і ў межах дамовы, падпісанай паміж Нацыянальным гістарычным архівам Беларусі і Дзяржаўным гістарычным архівам Літвы былі атрыманы лічбавыя копіі актавых кніг Браслаўскага земскага суда за 1725–1784 гг. Гэтыя дакументы дазваляюць запоўніць прабел у захаванасці актавай судовай дакументацыі паўночных зямель Вялікага Княства Літоўскага XVIII ст. і дапоўніць фонд Браслаўскага земскага суда, частка якога пераважна за XVII ст. знаходзіцца на захаванні ў НГА Беларусі. Звесткі, якія яны ўтрымліваюць, паслужаць асновай для навуковых і краязнаўчых даследаванняў. У хуткім часе лічбавыя копіі кніг будуць даступны даследчыкам у чытальнай зале архіва.

Нацыянальным гістарычным архівам Беларусі выпушчаны васямнаццаты выпуск штогадовага зборніка «Архіварыус». На яго старонках убачылі свет 24 артыкулы, прысвечаныя разнастайным пытанням гісторыі, архівазнаўства, крыніцазнаўства і генеалогіі, апублікаваны тэксты і агляды некаторых гістарычных дакументаў з айчынных і замежных архіўных сховішчаў, а таксама гістарыяграфічныя працы і рэцэнзіі на навуковыя выданні. Зборнік прызначаны для гісторыкаў, генеалогаў, краязнаўцаў, спецыялістаў архіўнай галіны і ўсіх аматараў айчыннай гісторыі.

Нацыянальным гістарычным архівам Беларусі выпушчана ў свет кніга «Абрысы розныя»: малюнкі і чарцяжы гетмана Януша Радзівіла».

Кніга ўтрымлівае каштоўныя звесткі пра адну з самых знакавых і супярэчлівых асоб беларускай гісторыі XVII ст. – Януша Радзівіла, якому выпала быць гетманам Вялікага Княства Літоўскага ў адзін з найбольш складаных перыядаў яго гісторыі, напоўнены бясконцымі паўстаннямі і войнамі. Асноўным прадметам увагі ў кнізе з’яўляецца калекцыя малюнкаў і чарцяжоў, якая захавалася ў фондах Нацыянальнага гістарычнага архіва Беларусі.

У выніку працы па выяўленні дакументаў па гісторыі Беларусі ў архівах, бібліятэках і музеях замежжа і ў межах дамовы, падпісанай паміж Нацыянальным гістарычным архівам Беларусі і Дзяржаўным архівам Цвярской вобласці Расійскай Федэрацыі, былі атрыманы лічбавыя копіі актавых кніг Віцебскага падкаморскага суда за 1642–1647 гг. і Віцебскага гродскага суда за 1684–1687 гг. Гэтыя дакументы дазваляюць запоўніць прабел у захаванасці актавай судовай дакументацыі усходніх зямель Вялікага Княства Літоўскага XVII ст. Звесткі, якія яны ўтрымліваюць, паслужаць асновай для навуковых і краязнаўчых даследаванняў. У хуткім часе лічбавыя копіі кніг будуць даступны даследчыкам у чытальнай зале архіва.

5 лістапада 2020 г. у Нацыянальнай бібліятэцы Беларусі адбыўся віртуальны навукова-практычны семінар «НОВЫЯ ДАКУМЕНТАЛЬНЫЯ НАБЫТКІ І ЗНАХОДКІ ПА ГЕНЕАЛОГІІ», суарганізатарам якога выступіў Нацыянальны гістарычны архіў Беларусі.

21–22 октября 2020 г. в г.Минске состоялся VII Международный конгресс «Библиотека как феномен культуры». Организаторами форума выступили Министерство культуры Республики Беларусь и Национальная библиотека Беларуси. Главная тема конгресса – «Краеведение и страноведение в сохранении культурного разнообразия».

Азнаёміцца з дакументамі можна па спасылках:

З берагоў Вілейкі: да 150-годдзя з дня нараджэння Фердынанда Рушчыца (1870 – 1936) - Частка 1

З берагоў Вілейкі: да 150-годдзя з дня нараджэння Фердынанда Рушчыца (1870 – 1936) - Частка 2

З берагоў Вілейкі: да 150-годдзя з дня нараджэння Фердынанда Рушчыца (1870 – 1936) - Частка 3