2 лютага 2017 г. у Нацыянальным гістарычным архіве Беларусі адбылася прэзентацыя кнігі «Минские губернаторы, вице-губернаторы и губернские предводители дворянства (1793–1917) : биографический справочник» падрыхтаванай архівам і выдадзенай у свет у супрацоўніцтве з выдавецтвам «Беларусь».

2 лютага 2017 г. у 15.00 у Нацыянальным гістарычным архіве Беларусі (вул. Крапоткіна, 55, канферэнц-зала, аўдыторыя 29) адбудзецца прэзентацыя кнігі «Минские губернаторы, вице-губернаторы и губернские предводители дворянства (1793–1917) : биографический справочник».

Нацыянальным гістарычным архівам Беларусі выдадзены чатырнаццаты выпуск штогадовага зборніка «Архіварыус». На яго старонках пабачыла свет больш за 30 артыкулаў, прысвечаных разнастайным пытанням гісторыі, архівазнаўства, крыніцазнаўства і генеалогіі, апублікаваны некаторыя гістарычныя дакументы з айчынных і замежных архіўных сховішчаў, а таксама змешчаны рэцэнзіі на некалькі навуковых выданняў.

23 снежня 2016 года ў Нацыянальным гістарычным архіве Беларусі адбыўся сход па падвядзенні вынікаў работы ў 2016 годзе.

Дырэктар НГА Беларусі Д.У.Яцэвіч выступіў перад калектывам з дакладам, дзе былі агучаны асноўныя вынікі працы архіва за мінулы год. Былі адзначаны дасягненні архіва ў наладжванні міжнароднага супрацоўніцтва і супрацоўніцтва з іншымі ўстановамі Рэспублікі Беларусь у сферы вывучэння дакументальнай спадчыны.

1 снежня 2016 г. у Музеі Палаца караля Яна ІІІ у Вілянуве (г. Варшава, Польшча) адбыўся семінар, прысвечаны абмеркаванню рэалізацыі другога этапа Пагаднення аб супрацоўніцтве паміж Нацыянальным гістарычным архівам Беларусі і Музеем у сферы навуковага выкарыстання дакументальнай спадчыны роду Сабескіх, якая захоўваецца ў НГА Беларусі ў фондах «Архіў Сабескіх у Алаве» і «Радзівілы, князі».

24 лістапада 2016 г. у Нацыянальным гістарычным архіве Беларусі адбылося пасяджэнне Вучонага савета, на якім былі рэкамендаваны да выдання зборнік навуковых паведамленняў і артыкулаў «Архіварыус» (выпуск 14) і манаграфія «Слуцк на старых планах».

Таксама быў абмеркаваны стан працы над планавымі навуковымі тэмамі і зацверджаны новыя тэмы «Фатаграфічныя матэрыялы ў Нацыянальным гістарычным архіве Беларусі», «Іканаграфічныя матэрыялы ў Нацыянальным гістарычным архіве Беларусі» і «Грамадска-палітычны рух у Беларусі (1772–1917 гг.)».