14–21 кастрычніка ў Рэспубліцы Беларусь праходзіць Тыдзень бацькоўскай любові. 14 кастрычніка – Дзень Маці ў Беларусі. 21 кастрычніка ў нашай краіне адзначаецца Дзень Бацькі. Тыдзень бацькоўскай любові перш за ўсё прысвечаны намаганням кожнага з бацькоў, іх падтрымцы і той любові, якую яны ўкладваюць у выхаванне сваіх дзяцей. 14 кастрычніка на ўрачыстым сходзе калектыву намеснік дырэктар НГА Беларусі Наталія Булойчык павіншавала жанчын – работнікаў архіва з Днём Маці і пажадала душэўнага цяпла, вялізнага шчасця і гармоніі. Таксама Н. Булойчык распавяла гісторыю сваёй бабулі, удастоенай у 1947 годзе звання «Маці-гераіня» за тое, что нарадзіла і годна выхавала дзесяць дзяцей. Перад сходам работніцам архіва былі ўручаны салодкія падарункі.

Да мерапрыемства падрыхтавана выстава дакументаў XVI – пачатку ХХ стст., якую прадставіў загадчык аддзела навукова-даследчай і публікацыйнай дзейнасці Сяргей Рындзін. Самым рарытэтным дакументам быў тастамент Тамаша Войцехавіча Стабенскага, у якім яго жонцы Гальшцы загадвалася забяспечыць адукацыю сынам і пасаг дочкам, а таксама даглядаць маці Тамаша Дароту. Дакумент датуецца 2 сакавіка 1590 г. Астатнія дакументы асвятляюць сістэму дзяржаўнай і грамадскай апекі аб мацярынстве і дзяцінстве на беларускіх землях у XIX – пачатку ХХ стст. Яны ўтрымліваюць звесткі аб працы аднаго з дзіцячых прытулкаў для дзяцей маламаёмных бацькоў у г. Віцебску, Магілёўскага радзільнага інстытута і прытулку «Яслі» ў г. Мінску.