2 верасня 2024 г. у Нацыянальным гістарычным архіве Беларусі адкрылася выстава «Навучальны працэс ва ўстановах адукацыі г. Мінска ў пачатку ХХ стагоддзя», прымеркаваная да пачатку новага навучальнага года.

Загадчык аддзела навукова-даследчай і публікацыйнай дзейнасці НГА Беларусі Сяргей Рындзін на агульным сходзе калектыва распавёў аб архіўных дакументах, якія адлюстроўваюць школьнае жыццё Мінскіх мужчынскай і жаночай гімназій – адных з буйнейшых і лепшых сярэдніх навучальных устаноў на тэрыторыі беларускіх губерняў Расійскай імперыі. На выставе прадстаўлены фотаздымкі вучняў, школьны дзённік, класны журнал і іншыя дакументы аб школьным быце мінулых часоў. Выстава выклікала значную зацікаўленасць аўдыторыі.