18 лютага 2025 г. Нацыянальным гістарычным архівам Беларусі сумесна з Нацыянальным архівам Рэспублікі Беларусь падрыхтавана і размешчана ў Міністэрстве юстыцыі Рэспублікі Беларусь дакументальная выстава «На варце Айчыны ва ўсе часы», прымеркаваная да Дня Абаронцаў Айчыны і Узброеных Сіл Рэспублікі Беларусь.

Архівам прадстаўлены дакументы канца XVIII – пачатку ХХ стст., якія асвятляюць развіццё ваеннай справы на беларускіх землях у часы Рэчы Паспалітай і Расійскай імперыі. Самы ранні дакумент на выставе адносіцца да канца XVIII ст. Гэта заява Станіслава Калупайла аб аказанні яму дапамогі на ваенны рыштунак. На выставе прадэманстраваны паслужныя спісы і фатаграфіі вайскоўцаў, выявы воінскіх знакаў адрознення, абмундзіравання і шэраг іншых дакументаў. Матэрыялы выставы, якія адносяцца да дарэвалюцыйнага перыяду, падрыхтаваны намеснікам дырэктара НГА Беларусі Сяргеем Рындзіным.

На дакументальнай выставе

Дакументы Нацыянальнага гістарычнага архіва Беларусі на выставе