14 сакавіка 2024 г. работнікі НГА Беларусі наведалі дыялогавую пляцоўку, прысвечаную 30-годдзю Канстытуцыі Рэспублікі Беларусь. Мерапрыемства прайшло ў актавай зале Дзяржаўнага камітэта судовых экспертыз Рэспублікі Беларусь (па адрасе: г. Мінск, вул. Валадарскага, 2а).

У рабоце дыялогавай пляцоўкі прынялі ўдзел Міністр юстыцыі Рэспублікі Беларусь Сяргей Хаменка, Старшыня Дзяржаўнага камітэта судовых экспертыз Аляксей Волкаў, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве Сяргей Сівец, намеснік Старшыні Канстытуцыйнага суда Наталля Карповіч, прадстаўнікі іншых дзяржаўных устаноў, студэнцкая моладзь, якая атрымлівае адукацыю па юрыдычных спецыяльнасцях.

У 2024 годзе спаўняецца 30 гадоў Асноўнаму закону нашай краіны – Канстытуцыі Рэспублікі Беларусь. Яна была прынята 15 сакавіка 1994 года і з’яўляецца першай у гісторыі суверэннай дзяржавы і пятай па ліку Канстытуцыяй Беларусі, што дзейнічала пасля Кастрычніцкай рэвалюцыі 1917 года.