23 мая 2024 г. у рамках рэспубліканскай акцыі «Архівы – школе» ў Нацыянальным гістарычным архіве Беларусі праведзены семінарскія заняткі па вучэбнай дысцыпліне «Канфесійныя архівы Беларусі XVIII–начала ХХ ст.» для студэнтаў 2-га курса гістарычнага факультэта Беларускага дзяржаўнага ўніверсітэта (спецыяльнасць «Гісторыка-архівазнаўства»).

Мерапрыемства правяла дацэнт кафедры крыніцазнаўства гістарычнага факультэта БДУ кандыдат гістарычных навук Зінаіда Антановіч. У ходзе семінарскіх заняткаў студэнты атрымалі магчымасць на практыцы азнаёміцца з відавым складам спраў архіўных фондаў 131 (дэкан Рымска-каталіцкай епархіі па Барысаўскім павеце), 136 (Мінская духоўная праваслаўная кансісторыя), 937 (Мінская рымска-каталіцкая кансісторыя), 1655 (Ігуменскі ўніяцкі дэканат) НГА Беларусі, спецыфікай іх фарміравання, а таксама падыходамі да выяўлення інфармацыйнага патэнцыялу дакументаў, створаных у працэсе дзейнасці фондаўтваральнікаў.

Падобныя мерапрыемствы праводзяцца на базе НГА Беларусі ў мэтах павышэння якасці падрыхтоўкі будучых архівістаў, пашырэння магчымасцей выкарыстання архіўных фондаў канфесійных устаноў і развіцця навукова-даведачнага апарата да іх.