15 кастрычніка 2024 г. работнікі НГА Беларусі сталі гасцямі на святочным канцэрце, прымеркаваным да Тыдня бацькоўскай любові. Мерапрыемства падрыхтавалі вучні і настаўнікі сярэдняй школы № 27 г. Мінска. Сярод прысутных былі таксама святары Храма роўнаапостальнай Марыі Магдаліны з сем'ямі, навучэнцы школы і іх бацькі. Выступленні юных артыстаў падарылі гледачам незабыўную душэўную і святочную атмасферу. Настаяцель храма Марыі Магдаліны протаіерэй Уладзімір Харашэвіч і іерэй Расціслаў Бандарэнка звярнуліся да ўдзельнікаў і гасцей мерапрыемства са словамі пра сямейныя каштоўнасці і бацькоўскую любоў. Пасля завяршэння канцэрта работнікі НГА Беларусі былі запрошаны на чаяванне.