21 сакавіка 2025 г. адбыўся сход працоўнага калектыву НГА Беларусі, прысвечаны Дню памяці  ахвяр Хатынскай трагедыі. Знішчаная вёска разам з жыхарамі назаўжды ўвайшла ў сусветную гісторыю як сімвал ахвяр і пакут усіх беларусаў у Вялікай Айчыннай вайне, нялюдскасці нямецка-фашысцкіх акупантаў і іх памагатых. У памяць ахвяр Хатынскай трагедыі ў архіве была абвешчана хвіліна маўчання, пасля якой работнікі архіва паглядзелі дакументальны фільм аб падзеях трагедыі.

22 сакавіка 2025 г. ў Мемарыяльным комплексе «Хатынь» намеснік дырэктара НГА Беларусі Сяргей Рындзін ў складзе дэлегацыі Міністэрства юстыцыі Рэспублікі Беларусь і Дэпартамента па архівах і справаводству прыняў ўдзел у памятным мерапрыемстве, прымеркаваным да 82-й гадавіны трагедыі.

Удзельнікі мерапрыемства ў памяць загінуўшых жыхароў усіх вёсак, спаленых нямецка-фашысцкімі акупантамі, усклалі кветкі да Вечнага агню Мемарыяльнага комплексу «Хатынь».

Выступленне намесніка дырэктара НГА Беларусі Наталіі Булойчык

Калектыў НГА Беларусі

Хвіліна маўчання

Намеснік дырэктара НГА Беларусі Сяргей Рындзін ў Мемарыяльным комплексе «Хатынь»

Ускладанне кветак да Вечнага агню Мемарыяльнага комплексу «Хатынь»