У Маскве выдадзены другі том зборніка дакументаў «Расія і беларускія землі ў XVII-XVIII стст.». Зборнік падрыхтаваны Расійскім дзяржаўным архівам старажытных актаў і Нацыянальным гістарычным архівам Беларусі ў рамках Плана сумесных дзеянняў Дэпартамента па архівах і справаводству Міністэрства юстыцыі Рэспублікі Беларусь і Федэральнага архіўнага агенцтва Расійскай Федэрацыі.

Зборнік створаны ў рамках сумеснай праграмы расійскіх і беларускіх архівістаў па выданні дакументаў аб узаемаадносінах Рускай дзяржавы і беларускіх зямель Рэчы Паспалітай у XVII–XVIII стагоддзях. Першы том, выдадзены ў 2020 годзе, быў складзены з дакументаў за 1619-1663 гадоў, якія захоўваюцца ў РГАДА. Другі том прысвечаны ўзаемаадносінам рускіх улад і розных саслоўяў і ўплывовых асоб Вялікага Княства Літоўскага, якія прынеслі прысягу на вернасць Рускай дзяржаве ў ходзе баявых дзеянняў 1654-1667 гадоў.

У першую чаргу, гаворка ідзе аб воінскіх фарміраваннях і іх службе ў складзе царскіх войскаў; у дакументах прадстаўлены значны аб'ём інфармацыі аб зямельных падараваннях, ільготах і прывілеях «прысяжнай» шляхты, мяшчан і іншых саслоўяў. Публікуемыя комплексы дакументаў дапаўняюцца даведнікам па гісторыі літоўскіх «прысяжных» воінскіх падраздзяленняў, складзеным па тэрытарыяльна-адміністрацыйным прынцыпе. Зборнік прызначаны для гісторыкаў, краязнаўцаў, генеалагаў і ўсіх, хто цікавіцца гісторыяй Беларусі і Расіі.