Аддзел інфармацыйна-пошукавых сістэм быў утвораны 15 красавіка 1965 г.

У адпаведнасці з Палажэннем аб аддзеле асноўнымі яго задачамі з’яўляюцца:

• вызначэнне асноўных напрамкаў развіцця навукова-даведачнага апарату (НДА) да дакументаў архіва, арганізацыя і правядзенне работы па яго стварэнні і развіцці, укараненне і выкарыстанне аўтаматызаваных інфармацыйна-пошукавых сістэм;
• дзяржаўны ўлік і фандзіраванне дакументаў;
• вывучэнне і ўкараненне ў практыку работы аддзела перадавога айчыннага і замежнага вопыту ў галіне стварэння і выкарыстання інфармацыйна-пошукавых сістэм, у тым ліку аўтаматызаваных, дзяржаўнага ўліку дакументаў;
• нарматыўна-метадычнае забеспячэнне работы па стварэнні і ўдасканаленні НДА да дакументаў архіва, вызначэнне асноўных напрамкаў і аналіз работы архіва па выкарыстанні дакументаў, падрыхтоўка прапаноў па іх удасканаленню.

Аддзел у адпаведнасці з ускладзенымі задачамі:

• рыхтуе прапановы да праектаў праграм, перспектыўных і бягучых планаў работы архіва па профільных для аддзела напрамках, у тым ліку плануе падрыхтоўку да выдання архіўных даведнікаў, забяспечвае іх рэалізацыю, складае справаздачы аб іх выкананні;
• праводзіць работу па стварэнні і развіцці сістэмы навукова-даведачнага апарата і аўтаматызаваных баз даных на дакументы архіва, у тым ліку якія ўтрымліваюць звесткі па асабоваму складу, забяспечвае яго рэалізацыю і выкарыстанне;
• па ўстаноўленых формах здзяйсняе дзяржаўны ўлік дакументаў і ўносіць змены ў склад і аб’ём фондаў архіва. Рыхтуе даведкі аб складзе і аб’ёме фондаў архіва для Дзяржаўнага фондавага каталога Нацыянальнага архіўнага фонду Рэспублікі Беларусь.
• сумесна з аддзелам забеспячэння захаванасці дакументаў і фондаў разглядае пытанні фандзіравання дакументаў архіва;
• праводзіць работу па аналізе і ўліку стану навукова-даведачнага апарата да дакументаў архіва, вядзе картатэку па ўліку стану НДА;
• праводзіць работу па апісанні дакументаў архіва, удасканаленні і перапрацоўцы вопісаў, катэгарыраванню фондаў;
• вызначае стварэнне і развіццё рацыянальнай сістэмы каталогаў і іх узаемасувязь у адпаведнасці з узроўнем архіва, здзяйсняе тэматычную распрацоўку і каталагізацыю дакументаў архіва, вядзе сістэматычны і іншыя каталогі, удасканальвае іх склад, каардынуе дзейнасць аддзелаў архіва па каталагізацыі дакументаў ў працэсе правядзення іншых відаў работ;
• стварае базы дадзеных па дакументах архіва з выкарыстаннем электронна-вылічальнай тэхнікі, вывучае пытанні аб рацыянальным узаемадзеянні традыцыйнай сістэмы НДА са ствараемымі аўтаматызаванымі базамі дадзеных з улікам актуальнасці тэматыкі;
• ажыццяўляе сумесна з архіўнымі, навуковымі і іншымі зацікаўленымі ўстановамі або самастойна распрацоўку і падрыхтоўку да выдання архіўных даведнікаў (шляхаводнікаў, паказальнікаў, аглядаў, вопісаў, каталогаў і інш.), у тым ліку з выкарыстаннем электронна-вылічальнай тэхнікі;
• згодна з вызначаным парадкам выконвае дагаворныя работы, аказвае платныя паслугі па профільных напрамках;
• вядзе ўлік і аналізуе эфектыўнасць выкарыстання інфармацыйна-пошукавых сістэм, рыхтуе прапановы па іх удасканаленні;
• распрацоўвае прапановы па асноўных напрамках і тэматыцы навукова-даследчай і метадычнай работы архіва ў галіне стварэння інфармацыйна-пошукавых сістэм, рыхтуе метадычныя парады, каардынацыйныя планы і іншыя дакументы для іх распрацоўкі;
• бярэ ўдзел у распрацоўцы навукова-даследчых тэм і рыхтуе метадычныя дапаможнікі па профільных для аддзела напрамках, укараняе іх вынікі ў практыку работы аддзела;
• праводзіць эканамічны аналіз работы аддзела, рыхтуе прапановы па выніках аналізу;
• вывучае айчынны і замежны вопыт у галіне стварэння і выкарыстання інфармацыйна-пошукавых сістэм, укараняе яго ў практыку работы аддзела, архіва;
• удзельнічае ў рабоце Вучонага савета, дырэкцыі і экспертна-метадычнай камісіі архіва, выносіць на іх разгляд пытанні развіцця архіўнай справы па профільных для аддзела напрамках, рыхтуе матэрыялы да абмеркавання, кантралюе выкананне прынятых рашэнняў.

Загадчык аддзела: