23 лпеня 2026 г. намеснік дырэктара Нацыянальнага гістарычнага архіва Беларусі Сяргей Рындзін даў інтэрв’ю Першаму інфармацыйнаму тэлеканалу, у якім раскрыў унікальныя факты з гісторыі знакамітага Пішчалаўскага замка.

Пішчалаўскі замак (таксама вядомы як Мінскі турэмны замак) быў узведзены ў 1825 годзе ў стылі ранняга класіцызму з элементамі неаготыкі. Сваю назву ён атрымаў па прозвішчы генеральнага падрадчыка Рудольфа Пішчала. У сучаснай Беларусі Пішчалаўскі замак прызнаны помнікам архітэктуры рэспубліканскага значэння.

У рамках інтэрв’ю былі прадэманстраваны рэдкія архіўныя дакументы, якія ахопліваюць перыяд XIX - пачатку XX стагоддзя. Гэтыя матэрыялы дазваляюць дэталёва аднавіць не толькі архітэктурную гісторыю збудавання, але і паўсядзённы побыт арыштантаў і супрацоўнікаў.

Сярод прадстаўленых архіўных дакументаў: планы турмы і падрабязныя звесткі аб правядзенні рамонтных работ у розныя гістарычныя перыяды; імянныя спісы арыштантаў, якія змяшчаліся ў сценах замка; асабістыя справы наглядчыкаў турмы, якія раскрываюць асаблівасці нясення службы; дакументы аб аказанні медыцынскай дапамогі зняволеным, якія адлюстроўваюць санітарныя ўмовы і ўзровень медыцынскага забеспячэння таго часу.

Сяргей Рындзін падкрэсліў асаблівую значнасць гэтага аб’екта для культурнай спадчыны краіны:

«Замак мае працяглую гісторыю. Ён з’яўляецца сведкам розных гістарычных эпох - перыядаў Расійскай імперыі, СССР і суверэннай Беларусі».

Прэзентацыя гэтых матэрыялаў чарговы раз пацвярджае важную ролю НГА Беларусі ў захаванні гісторыка-культурнай спадчыны Мінска і адкрывае новыя грані ў вывучэнні аднаго з самых вядомых архітэктурных помнікаў сталіцы.

У ходзе інтэрв’ю

Архіўныя дакументы па гісторыі Пішчалаўскага замка