Сардэчна запрашаем на сайт Нацыянальнага гістарычнага архіва Беларусі!

Сардэчна запрашаем на сайт Нацыянальнага гістарычнага архіва Беларусі!

Дзяржаўная установа “Нацыянальны гістарычны архіў Беларусі” з’яўляецца рэспубліканскім дзяржаўным архівам і навукова-даследчым і метадычным цэнтрам па працы з дакументамі Нацыянальнага архіўнага фонду Рэспублікі Беларусь. Архіў уваходзіць у сістэму дзяржаўных устаноў Рэспублікі Беларусь і непасрэдна падпарадкоўваецца Дэпартаменту па архівах і справаводству Міністэрства юстыцыі Рэспублікі Беларусь.

Асноўнай мэтай дзейнасці архіва з’яўляецца назапашванне, захаванне, улік і выкарыстанне дакументаў Нацыянальнага архіўнага фонду за перыяд з канца XIV стагоддзя па 1917 год.

Інфармацыя аб часовым прыпыненні прыёму заявак на правядзенне генеалагічных даследаванняў

Паважаныя наведвальнікі!

Звяртаем вашу ўвагу, што ў сувязі з вялікай колькасцю атрыманых запытаў, заяўкі на правядзенне генеалагічных даследаванняў часова не прымаюцца. Арыентыровачны тэрмін аднаўлення прыёму заявак - студзень 2020 г. У выпадку неабходнасці ўстанаўлення (пацверджання) фактаў нараджэння, шлюбу, і смерці асобаў, вы можаце скарыстацца паслугай выканання біяграфічнага запыту.

Аб адкрыцці чытальнай залы

4 кастрычніка 2019 г. у Нацыянальным гістарычным архіве Беларусі з ўдзелам дырэктара Дэпартамента па архівах і справаводству Міністэрства юстыцыі Рэспублікі Беларусь В.І.Кураша адбылося ўрачыстае адкрыццё дадатковай чытальнай залы.

На сайце размешчана віртуальная выстава «БЕРЕСТЬЕ/ BRESSICIA /БРЭСТ: ПАД СТРЭЛКАМІ РАТУШНАГА ГАДЗІННІКА» (ДА 1000–ГОДДЗЯ БРЭСТА)

ИзображениеУ 2019 г. споўнілася 1000 гадоў першай узгадкі ў пісьмовых крыніцах горада Брэста (Берасця). У шэрагу юбілейных мерапрыемстваў Нацыянальным гістарычным архівам Беларусі падрыхтавана віртуальная выстава «Берестье / Bressicia / Брэст: пад стрэлкамі ратушнага гадзінніка». Архіўныя дакументы прыадчыняюць старонкі жыцця нашых продкаў-берасцейцаў.

Аб службовай камандзіроўцы ў Дзяржаўны гістарычны архіў Літвы

З 11 па 20 верасня 2019 г. галоўны архівіст – загадчык сектара рэдакцыйна-выдавецкай дзейнасці аддзела публікацыі дакументаў Нацыянальнага гістарычнага архіва Беларусі Я. С. Глінскі знаходзіўся ў службовай камандзіроўцы ў Дзяржаўным гістарычным архіве Літвы (г. Вільнюс, Літоўская Рэспубліка).

Інфармацыя аб правядзенні круглага стала і прэзентацыі

4 верасня 2019 г. у Брэсцкай абласной бібліятэцы імя М. Горкага адбылося пасяджэнне рэспубліканскага круглага стала «Брэст. 1000 гадоў у дакументах і матэрыялах», прысвечанага 1000-гадоваму юбілею горада Брэста.

Старонкі