Навіны
23 снежня 2016 года ў Нацыянальным гістарычным архіве Беларусі адбыўся сход па падвядзенні вынікаў работы ў 2016 годзе.
23 снежня 2016 года ў Нацыянальным гістарычным архіве Беларусі адбыўся сход па падвядзенні вынікаў работы ў 2016 годзе.
Дырэктар НГА Беларусі Д.У.Яцэвіч выступіў перад калектывам з дакладам, дзе былі агучаны асноўныя вынікі працы архіва за мінулы год. Былі адзначаны дасягненні архіва ў наладжванні міжнароднага супрацоўніцтва і супрацоўніцтва з іншымі ўстановамі Рэспублікі Беларусь у сферы вывучэння дакументальнай спадчыны.
Інфармацыя аб удзеле ў семінары у Музеі Палаца караля Яна ІІІ у Вілянуве 1 снежня 2016 г.
1 снежня 2016 г. у Музеі Палаца караля Яна ІІІ у Вілянуве (г. Варшава, Польшча) адбыўся семінар, прысвечаны абмеркаванню рэалізацыі другога этапа Пагаднення аб супрацоўніцтве паміж Нацыянальным гістарычным архівам Беларусі і Музеем у сферы навуковага выкарыстання дакументальнай спадчыны роду Сабескіх, якая захоўваецца ў НГА Беларусі ў фондах «Архіў Сабескіх у Алаве» і «Радзівілы, князі».
24 лістапада 2016 г. у Нацыянальным гістарычным архіве Беларусі адбылося пасяджэнне Вучонага савета
24 лістапада 2016 г. у Нацыянальным гістарычным архіве Беларусі адбылося пасяджэнне Вучонага савета, на якім былі рэкамендаваны да выдання зборнік навуковых паведамленняў і артыкулаў «Архіварыус» (выпуск 14) і манаграфія «Слуцк на старых планах».
Таксама быў абмеркаваны стан працы над планавымі навуковымі тэмамі і зацверджаны новыя тэмы «Фатаграфічныя матэрыялы ў Нацыянальным гістарычным архіве Беларусі», «Іканаграфічныя матэрыялы ў Нацыянальным гістарычным архіве Беларусі» і «Грамадска-палітычны рух у Беларусі (1772–1917 гг.)».
Iнфармацыя аб выданні манаграфіi «Архівы Магілёўскай і Мінскай рымска-каталіцкіх кансісторый: гісторыя, структура, склад дакументаў (1782–1918 гг.)»
Iнфармацыя аб перадачы фрагмента архіва Вішнеўскага касцёла былога Ашмянскага павета Віленскай губерні за 1834–1950 гг. на дзяржаўнае захаванне ў Нацыянальны гістарычны архіў Беларусі
27 кастрычніка 2016 года навуковым кіраўніком рэстаўрацыі насценнага жывапісу касцёла Наведзін Найсвяцейшай Панны Марыі ў вёсцы Вішнева Валожынскага раёна Мінскай вобласці А.М.Пушкіным і архітэктарам А.Л.Шулаевым на дзяржаўнае захаванне ў Нацыянальны гістарычны архіў Беларусі быў перададзены фрагмент архіва Вішнеўскага касцёла былога Ашмянскага павета Віленскай губерні за 1834–1950 гг. Сярод перададзеных дакументаў метрычныя кнігі аб народжаных, шлюбаваных і памерлых, а таксама спісы парафіян.
28 верасня 2016 г. адбылася прэзентацыя 4-га тома «Гербоўнік беларускай шляхты» (літара Г)
28 верасня 2016 г. у Нацыянальным гістарычным архіве Беларусі адбылася прэзентацыя 4-га тома навуковага выдання «Гербоўнік беларускай шляхты» (літара Г). Перад гасцямі выступілі дырэктар НГАБ Д.У. Яцэвіч, дырэктар Дэпартамента па архівах і справаводству Міністэрства юстыцыі Рэспублікі Беларусь У.І. Адамушка, начальнік аддзела выкарыстання дакументаў і інфармацыі Дэпартамента па архівах і справаводству Міністэрства юстыцыі Рэспублікі Беларусь Р.С. Жаўняркевіч, дацэнт кафедры гісторыі Беларусі Новага і Навейшага часу гістарычнага факультэта Белдзяржуніверсітэта В.С.