29 мая 2025 г. у актавай зале сярэдняй школы № 27 г. Мінска адбыўся III агляд-конкурс мастацкай самадзейнасці сярод рэспубліканскіх архіўных устаноў. Сёлета ўдзельнікі агляду-конкурсу прадставілі свае нумары ў рамках тэмы «Паэма пра каханне», прымеркаванай да Года Добраўпарадкавання краіны.

Ганаровым гасцем мерапрыемства быў старшыня Мінскай гарадской арганізацыі Беларускага прафсаюза работнікаў дзяржаўных і іншых устаноў Уладзімір Зубрык.

У рамках конкурснай праграмы намеснікі дырэктара НГА Беларусі Наталія Булойчык і Сяргей Рындзін выканалі папуры на тэму песень пра каханне «Каханне – выдатная краіна». Вядучы архівіст сектара біяграфічных запытаў аддзела выкарыстання дакументаў, інфармацыі і публікацыйнай дзейнасці Герман Акуліч прачытаў верш Роберта Раждзественскага «Усё пачынаецца з любві». Вядучы палеограф аддзела старажытных актаў Данііл Рубісаў прачытаў верш Андрэя Дзяменцьева «Я ведаю, што ўсе жанчыны выдатныя». Кожны прадстаўлены НГА Беларусі нумар - гэта ўнікальная гісторыя, расказаная праз паэзію, музыку і эмоцыі. Выступленні работнікаў НГА Беларусі пакарылі сэрцы гледачоў і былі адзначаны шчырымі апладысментамі.

Журы агляду-конкурсу мастацкай самадзейнасці

Герман Акуліч чытае верш «Усё пачынаецца з любві»

Наталія Булойчык і Сяргей Рындзін выконваюць папуры на тэму песень пра каханне «Каханне - выдатная краіна»

Калектыў НГА Беларусі на аглядзе-конкурсе