У перыяд з 7 па 18 кастрычніка 2024 г. на базе дзяржаўнай установы «Нацыянальны гістарычны архіў Беларусі» прайшла архіўная частка вучэбнай архіўна-музейнай практыкі студэнтаў 2-га курса гістарычнага факультэта Беларускага дзяржаўнага педагагічнага ўніверсітэта імя Максіма Танка, якія навучаюцца па спецыяльнасці «Гістарычная адукацыя». У перыяд практыкі студэнты сустрэліся з адміністрацыяй НГА Беларусі, азнаёміліся з гісторыяй, структурай, складам фондаў, функцыямі аддзелаў установы, мерапрыемствамі па забеспячэнню захавання дакументаў і працай архівасховішчаў. Для практыкантаў былі праведзены два заняткі на тэму «Асноўныя віды дакументальных крыніц у фондах Нацыянальнага гістарычнага архіва Беларусі».

У рамках індывідуальных заданняў практыканты былі задзейнічаны ў выкананні такіх відаў архіўнай працы як пошук дакументаў пры дапамозе навукова-даведачнага апарата архіва, сканаванне архіўных дакументаў, стварэнне навукова-пошукавага апарата да актавай кнігі Слонімскага земскага суда XVIII ст., пошук біяграфічных дадзеных пры выкананні запытаў сацыяльна-прававога характару, выяўленне і апісанне фатаграфічных матэрыялаў у фондах устаноў адукацыі г. Магілёва і інш.

У ходзе практыкі студэнты атрымалі комплекснае ўяўленне аб дзейнасці архіва і каштоўны вопыт работы з арыгіналамі дакументаў, ацанілі магчымасці выкарыстання матэрыялаў НГА Беларусі ў вучэбнай, навуковай і экскурсійна-краязнаўчай рабоце.