22 ліпеня 2024 г. у Нацыянальным гістарычным архіве Беларусі ў рамках мерапрыемстваў па павышэнні кваліфікацыі работнікаў і спецыялістаў на 2024 год праведзена лекцыя «Праца з базамі дадзеных пры правядзенні генеалагічных і тэматычных даследаванняў».

19 ліпеня 2024 г. у Нацыянальным гістарычным архіве Беларусі адбылася рабочая нарада, у якой прынялі ўдзел дырэктар Дэпартамента па архівах і справаводству Міністэрства юстыцыі Рэспублікі Беларусь Алег Воінаў, старшыня Беларускага прафесійнага саюза работнікаў дзяржаўных і іншых устаноў Сяргей Патапенка, старшыня Мінскай гарадской арганізацыі Беларускага прафсаюза работнікаў дзяржаўных і іншых устаноў Уладзімір Зубрык, адміністрацыя архіва і старшыня першаснай прафсаюзнай арганізацыі НГА Беларусі Аксана Расказава.

Нацыянальным гістарычным архівам Беларусі падрыхтавана і размешчана на сайце архіва віртуальная выстава «Мінскі настаўніцкі інстытут: да 110-годдзя з дня заснавання».

8 ліпеня 2024 г. у гасцінічным комплексе «Дыпсэрвіс Хол» (зав. Вайскавой, 4) Нацыянальным гістарычным архівам Беларусі сумесна з Нацыянальным архівам Рэспублікі Беларусь праведзена выстава дакументаў, падрыхтаваная ў сувязі з афіцыйным візітам у Рэспубліку Беларусь дэлегацыі Міністэрства юстыцыі Кітайскай Народнай Рэспублікі. Экспазіцыю аглядзелі міністр юстыцыі Рэспублікі Беларусь Яўген Каваленка і Намеснік Міністра юстыцыі Кітайскай Народнай Рэспублікі Ху Вэй Лі.

5 ліпеня 2024 г., у дзень нараджэння НГА Беларусі, наш калектыў адправіўся ў Цэнтральны батанічны сад Нацыянальнай акадэміі навук Беларусі.

5 ліпеня 2024 г. Нацыянальны гістарычны архіў Беларусі адзначыў 86-годдзе з дня ўтварэння.

2 ліпеня 2024 г. ў канферэнц-зале Нацыянальнага гістарычнага архіва Беларусі адбыўся сумесны сход працоўных калектываў НГА Беларусі і Беларускага навукова-даследчага інстытута дакументазнаўства і архіўнай справы, прысвечаны Дню Незалежнасці Рэспублікі Беларусь.