20 мая 2022 года Міністэрствам юстыцыі Рэспублікі Беларусь былі падведзены вынікі штогадовага прававога конкурса імя выбітнага юрыста, ураджэнца Беларусі Уладзіміра Данілавіча Спасовіча. Ва ўрачыстай абстаноўцы ў зале Дыпсэрвіс Хола (зав. Вайскавы, 4) адбылася афіцыйная цырымонія ўзнагароджання намінантаў мерапрыемства. Конкурс на прыз імя У.Д. Спасовіча праводзіцца ў мэтах павышэння прававой культуры грамадзян, ролі і значэння права, прапаганды станаўлення прававой дзяржаўнасці ў Беларусі, а таксама папулярызацыі прафесіі юрыста.

У цырымоніі падвядзення вынікаў і ўзнагароджання намінантаў конкурса прыняў удзел дырэктар Дзяржаўнай установы «Нацыянальны гістарычны архіў Беларусі» Алег Леанідавіч Воінаў.

На сайце размешчана віртуальная выстава «ТРЫ ПАКАЛЕННІ СЯМ'І ДЗЯНІСАВЫХ У ГІСТОРЫІ БЕЛАРУСІ: ФОТА З СЯМЕЙНАГА АРХІВА, ДАКУМЕНТЫ З ФОНДАЎ НАЦЫЯНАЛЬНАГА ГІСТАРЫЧНАГА АРХІВА БЕЛАРУСІ»

Азнаёміцца з выставай можна тут

Приказом директора Департамента по архивам и делопроизводству Министерства юстиции Республики Беларусь от 6 мая 2022 г. № 33-к с 10 мая 2022 г. на должность директора государственного учреждения «Национальный исторический архив Беларуси» назначен ВОИНОВ Олег Леонидович

5 мая 2022 г. у рамках мерапрыемстваў, прысвечаных святкаванню 77-й гадавіны Перамогі савецкага народа ў Вялікай Айчыннай вайне і рэспубліканскай акцыі «Беларусь памятае. Памятаем кожнага» работнікі Нацыянальнага гістарычнага архіва Беларусі і Беларускага навукова-даследчага інстытута дакументазнаўства і архіўнай справы наведалі месцы воінскіх пахаванняў на Кальварыйскіх могілках горада Мінска, усклалі кветкі і ўшанавалі памяць загінуўшых абаронцаў Айчыны.

28 красавіка 2022 г. у Нацыянальным гістарычным архіве Беларусі адбыўся круглы стол «Photografica: фатаграфічныя матэрыялы ў зборах архіваў і музеяў Беларусі».

27 красавіка 2022 г. у Нацыянальным гістарычным архіве Беларусі адбылася сустрэча са студэнтамі і выкладчыкамі Факультэта тэхналогій кіравання і гуманітарызацыі БНТУ – удзельнікамі конкурса генеалагічных даследаванняў «Мая сямейная гісторыя». Гэты конкурс праводзіцца БНТУ ў рамках абвешчанага ў Рэспубліцы Беларусь Года гістарычнай памяці з мэтай фарміравання нацыянальнай свядомасці і пачуцця патрыятызму праз папулярызацыю інстытута сям’і, падтрыманне традыцый і павагі да старэйшага пакалення.