17 красавіка 2024 г. у адпаведнасці з даручэннем дырэктара Дэпартамента па архівах і справаводстве Міністэрства юстыцыі Рэспублікі Беларусь, у Нацыянальным гістарычным архіве Беларусі была праведзена пазапланавая трэніроўка па экстраннай эвакуацыі работнікаў архіва і ўстановы «Беларускі навукова-даследчы інстытут дакументазнаўства і архіўнай справы», а таксама наведвальнікаў чытальных залаў пры спрацоўванні супрацьпажарнай сігналізацыі на імітацыю ўзнікнення пажару ў будынку архіва.

12 красавіка 2024 г. у Нацыянальным гістарычным архіве Беларусі ў рамках мерапрыемстваў па павышэнні кваліфікацыі работнікаў і спецыялістаў на 2024 год праведзена лекцыя «Інфармацыйна-пошукавыя сістэмы ў Нацыянальным гістарычным архіве Беларусі», падчас якой вядучы архівіст аддзела інфармацыйна-пошукавых сістэм Аляксандр Грывянёў распавёў працоўнаму калектыву аб асноўных напрамках развіцця навукова-даведачнага апарата (НДА) да дакументаў НГА Беларусі.

На сайце Нацыянальнага гістарычнага архіва Беларусі размешчана навуковае выданне кандыдата гістарычных навук Вольгі Мікалаеўны Папко «Инвентарные описи движимого имущества имений Каменка и Дружноселье кн. Витгенштейнов как источник по истории коллекций этого рода», асноўнымі крыніцамі падчас падрыхтоўкі якога сталі матэрыялы НГА Беларусі.

8 красавіка 2024 г. у дзяржаўнай установе адукацыі «Сярэдняя школа № 27» г. Мінска адбыўся чарговы занятак гуртка «Юны архівіст».

2 красавіка 2024 г. у канферэнц-зале Нацыянальнага гістарычнага архіва Беларусі праведзены сход працоўнага калектыву НГА Беларусі, прысвечаны дзяржаўнаму святу – Дню яднання народаў Беларусі і Расіі.

З 26 лютага па 29 сакавіка 2024 г. у Нацыянальным гістарычным архіве Беларусі праходзіла пераддыпломная практыка студэнтаў 4-га курса дзеннай формы і 5-га курса завочнай формы навучання гістарычнага факультэта Беларускага дзяржаўнага ўніверсітэта.

26 сакавіка 2024 г. Нацыянальны гістарычны архіў Беларусі стаў госцем на прэзентацыі першага музейнага каталога інскрыптаў Якуба Коласа «Ад усяго сэрца, ад усёй душы» і даведніка паступленняў Беларускага дзяржаўнага архіва-музея літаратуры і мастацтва.