26 красавіка 2024 г. у канферэнц-зале Нацыянальнага гістарычнага архіва Беларусі адбыўся сход працоўных калектываў НГА Беларусі і Беларускага навукова-даследчага інстытута дакументазнаўства і архіўнай справы, прысвечаны 38-й гадавіне катастрофы на Чарнобыльскай атамнай электрастанцыі.

25 красавіка 2024 г. для навучэнцаў ДУА «Сярэдняя школа № 27 г. Мінска», якія на працягу бягучага навучальнага года ўдзельнічаюць у працы гуртка «Юны архівіст», у Нацыянальным гістарычным архіве Беларусі праведзена экскурсія.

24 красавіка 2024 г. намеснік дырэктара НГА Беларусі Наталля Булойчык сумесна з кіраўніцтвам Дэпартамента па архівах і справаводству Міністэрства юстыцыі Рэспублікі Беларусь і рэспубліканскіх архіўных устаноў наведала гала-канцэрт майстроў мастацтваў «Час выбраў нас», які адбыўся ў Палацы спорту для дэлегатаў і гасцей першага пасяджэння VII Усебеларускага народнага сходу.

На сайце Нацыянальнага гістарычнага архіва Беларусі размешчана віртуальная выстава, прысвечаная 210-годдзю з дня нараджэння беларускага гісторыка, археолага, краязнаўцы, музеязнаўцы, аднаго з заснавальнікаў беларускай навуковай археалогіі Яўстаха Піевіча Тышкевіча (1814–1873).

19 красавіка 2024 г. вядучы навуковы супрацоўнік аддзела навукова-даследчай і публікацыйнай дзейнасці Нацыянальнага гістарычнага архіва Беларусі Аксана Зянько дыстанцыйна прыняла ўдзел у XVIII міжнароднай навукова-практычнай канферэнцыі «Рэлігія і грамадства», арганізатарамі якой выступілі Магілёўскі дзяржаўны ўніверсітэт імя А. А. Куляшова, Інстытут гісторыі НАН Беларусі і Інстытут філасофіі НАН Беларусі. Удзел у канферэнцыі прынялі больш 100 даследчыкаў з Беларусі, Расіі, Кітая і Славакіі.

20 красавіка 2024 г. калектыў Нацыянальнага гістарычнага архіва Беларусі прыняў актыўны ўдзел у рэспубліканскім суботніку.

18 красавіка 2024 г. намеснік загадчыка аддзела навукова-даследчай і публікацыйнай дзейнасці Нацыянальнага гістарычнага архіва Беларусі Яўген Глінскі прыняў удзел у прадстаўнічай міжнароднай навуковай канферэнцыі «Беларусь – Арменія: старонкі гісторыі», арганізатарамі якой выступілі Інстытут гісторыі Нацыянальнай акадэміі навук Беларусі, Інстытут археалогіі і этнаграфіі Нацыянальнай акадэміі навук Рэспублікі Арменія, Пасольства Рэспублікі Арменія ў Рэспубліцы Беларусь, а таксама Фонд развіцця і падтрымкі арменазнаўчых даследаванняў «АНІВ».