У выніку працы па выяўленні дакументаў па гісторыі Беларусі ў архівах, бібліятэках і музеях замежжа Нацыянальным гістарычным архівам Беларусі былі атрыманы лічбавыя копіі актавай кнігі Клецкага замкавага суда за 1596–1598 гг. з аддзела рэдкіх кніг і рукапісаў Навуковай бібліятэкі Маскоўскага дзяржаўнага ўніверсітэта імя М.В.Ламаносава. Гэтыя дакументы дазваляюць запоўніць прабел у захаванасці актавай судовай дакументацыі цэнтральных зямель Вялікага Княства Літоўскага канца XVI ст. Звесткі, якія яны ўтрымліваюць, паслужаць асновай для навуковых і краязнаўчых даследаванняў. У хуткім часе лічбавыя копіі кнігі будуць даступны даследчыкам у чытальнай зале архіва.

На сайце размешчана віртуальная выстава «ПЯСНЯР З-НАД НЁМАНА І ДЗВІНЫ: ДА 225-ГОДДЗЯ З ДНЯ НАРАДЖЭННЯ ЯНА ЧАЧОТА».

Азнаёміцца з выставай можна тут.

У выніку працы па выяўленні дакументаў у архівах культавых устаноў супрацоўнікамі Нацыянальнага гістарычнага архіва Беларусі быў апісаны архіў парафіі Унебаўзяцця Найсвяцейшай Панны Марыі ў в. Будслаў Мядзельскага раёна Мінскай вобласці.

Нацыянальным гістарычны архівам Беларусі сумесна з Музеем палаца караля Яна ІІІ у Вілянаве (г. Варшава, Рэспубліка Польшча) выпушчаны 2-гі том выдавецкай серыі «Monumenta Sobesciana» пад назвай «Лісты Марыі Казіміры з Архіва Сабескіх у Алаве, т. 2: Лісты да сыноў за 1697–1704 гг.»

На сайце размешчана віртуальная выстава «Захавальнік віцебскіх старажытнасцей: да 170-годдзя з дня нараджэння гісторыка, архівіста і краязнаўцы Аляксея Сапунова (1851—1924)».

Азнаёміцца з выставай можна тут.

3 чэрвеня 2021 г. адбылося падпісанне Пагаднення аб супрацоўніцтве паміж Нацыянальным гістарычным архівам Беларусі і Інстытутам павышэння кваліфікацыі і перападрыхтоўкі Следчага камітэта Рэспублікі Беларусь.

На сайце размешчана віртуальная выстава «ПЕРШЫ МІНСКІ ТЭЛЕФОН: да 125-годдзя з часу ўводу ў дзеянне першай тэлефоннай станцыі агульнага карыстання».

Азнаёміцца з выставай можна тут.